Heimsborgarar

#7 Vængjaðar vítisvélar

Okkur er talin trú um það að flug sé öruggasti ferðamátinn. Staðreyndin er hins vegar sú að það er stórhættulegt að fljúga og hvert skipti sem þú gengur ólaskaður frá borði flugvélar er í rauninni algjört kraftaverk.Spennið sætisólarnar, signið ykkur og takið þátt í umræðunni á Heimsborgarar - Umræðuhópur.

#6 Þrjár ferðir til fjár

Heimsborgarar flugu út í heim — og svo aftur til baka með öll koffort stútfull af góssi og góðum minningum. Einnig er kynntur til sögunnar nýr dagskrárliður: Útsláttarkeppni þjóðsöngva!Takið þátt í umræðunni á Heimsborgarar - Umræðuhópur.

#5 Biðin langa

Á eldfjallaeyjunni Tanna í Suður-Kyrrahafi hefur hópur fólks beðið í næstum heila öld eftir heimsókn frá dularfullum dáta að nafni John Frum. Eða var það Broom?

#4 Ófreskjan og einræðisherrann

Hvað gerir vitfirrtur þjóðarleiðtogi þegar kvikmyndaiðnaðurinn í ríki hans er í niðursveiflu? Jú, hann auðvitað rænir kvikmyndaleikstjóra frá nágrannaríkinu og pínir hann til að leikstýra sjö kvikmyndum í fullri lengd á tveimur árum. Heimsborgarar fjalla um þetta glórulausa plan, sem þér er að sjálfsögðu meira en velkomið að tjá þig um í Heimsborgarar - Umræðuhópur.

#3 Landsleikur!

Hvernig verða lönd til? Jú, með slembivali á internetinu auðvitað. Heimsborgarar fara í sinn fyrsta „landsleik“ og reyna að fá úr því skorið hvort landið sé betra – Haukstópía eða Baldland.Taktu þátt í umræðunni á Heimsborgarar – Umræðuhópur.

#2 Bobbi í Berlín

Þjóðverjar eru þekktir fyrir vandvirkni, verkvit og stundvísi. Einhvern veginn klikkaði þetta samt allt þegar ákveðið var að byggja nýjan flugvöll í Berlín eftir fall múrsins 1989. Baldur leiðir okkur í gegnum söguna af þessu ævintýralega klúðri, sennilega því næstvandræðalegasta í sögu Þýskalands.Taktu þátt í umræðunni á Heimsborgarar – Umræðuhópur.

#1 Skepnuskapur

Heimurinn er fullur af alls konar framandi furðuskepnum, en við Íslendingar fengum öll lélegu dýrin. Í þessum fyrsta „alvöru“ þætti Heimsborgara ræða þeir Baldur og Haukur um það hvernig fríska mætti upp á íslensku dýraflóruna. Afsakið ... fánuna.Umræður eru velkomnar í Heimsborgarar – Umræðuhópur.

#0 Velkomin í heiminn

Heimsborgarar! Hvað er nú það? Í þessum fyrsta þætti, sem við flokkum sem þátt númer núll, ætlum við að gera okkar besta til að útskýra það fyrir ykkur. Það er ekkert víst að það takist, en leyfið okkur að reyna.Annars megið þið líka spyrja að nokkurn veginn hverju sem er inni á Heimsborgarar – Umræðuhópur.